2024-cü il fevralın 9-da “Fortis Group” kursunun dinləyiciləri və müəllim kollektivi ilə Xəzər Universitetinin Mərmər salonunda görüş keçirilmişdir. Universitetin əməkdaşı Ülvi Babasoy Xəzər Universiteti haqda geniş təqdimatla çıxış etmiş və abituriyentlərin suallarını cavablandırmışdır.

Dillər və ədəbiyyatlar departamentinin müəllimi, filologiya üzrə fəlsəfə doktoru Qardaşxan Əzizxanlı Xəzər Universitetinin təlim-tərbiyə və tədris keyfiyyəti ilə bağlı fikirlərini abituriyentlərlə bölüşmüşdür. Universitetin Psixologiya departamentinin koordinatoru Mələk Kərimova vaxtın idarə edilməsi, imtahan prosesində həyəcanın aradan qaldırılması və səmərəli çalışma metodları ilə bağlı tövsiyələrini vermişdir.

Sonda abituriyentlər universiteti gəzmiş, kitabxana, dərs otaqları və laboratoriyalarla tanış olmuşlar.