2024-cü il yanvarın 12-də Beynəlxalq əlaqələr ofisinin təşkilatçılığı ilə Təhsil Qrant tələbələri ilə görüş keçirildi.

Görüşün əsas məqsədi tələbələrin akademik və sosial mühitdə qarşılaşdıqları problemlərin dinlənilməsi və prosesdə onlara dəstəyin təşkil olunması idi.

Görüşdə Beynəlxalq əlaqələr ofisinin müdiri Fatimə Vəliyeva, koordinatorlar Arzu Bədəlova, Turan Əlizadə və Əli Mirzəzadə iştirak etdilər.

Qeyd edək ki, Təhsil Qrant tələbələri İslam Əməkdaşlıq Təşkilatı (İƏT) və Qoşulmama hərəkatına (QH) üzv ölkələrin vətəndaşları üçün nəzərdə tutulmuş və Azərbaycan Respublikası Elm və Təhsil Nazirliyi və Elm və Ali Təhsil üzrə Dövlət Agentliyi tərəfindən icra olunur. Hal-hazırda Xəzər Universitetində 14 nəfər Təhsil Qrant tələbəsi təhsil alır. Onlar Pakistan, İndoneziya, Sudan, Maldiv Respublikası, Komor adaları, Malavi və Malayziya ölkələrinin vətəndaşlarıdir.