2023-cü il dekabrın 25-29-da Əcnəbi Tələbələr Klubunda "Yeni il" həftəsi qeyd olunub.

Həftənin ilk günü - dekabrın 25-də əcnəbi və yerli tələbələr üçün vörkşop keçirildi. Vörkşop zamanı tələbələr komanda şəklində işləyərək, yeni ilin gəlişi ilə bağlı rəsmlər çəkdilər, sonra isə müxtəlif rəngli kağızlardan oriqamilər hazırladılar.

Dekabrın 27-də "Secret Santa" oyunu təşkil olundu. Oyunun məqsədi yerli və xarici tələbələr arasında hədiyyə mübadiləsi aparmaq idi. Günün ikinci yarısında isə müxtəlif oyunlar keçirilərək, mahnılar ifa edildi.

Həftənin son günü - dekabrın 29-da tələbələr üçün film günü keçirildi. Günün filmi "Evdə Tək 1" idi. Filmdən öncə tələbələr tərəfindən müxtəlif formalı peçenyelər rəngarəng kremlərlə bəzədildi, sonra isə hazırlanmış peçenye və çay ilə bərabər film izlənildi.

Həftə ərzində əcnəbi və yerli tələbələr ilə bərabər klubun prezidenti Alisa Nazirzadə, sosial media meneceri Nigar Əsgərova, tədbirlər üzrə koordinatorlar İlahə Məmmədova və Jalə Zeynalova, layihələr üzrə menecer Aysu Məmmədova və koordinator Nərgiz İsmayıllı fəal iştirak etdilər.