2024-cü il yanvarın 12-də Beynəlxalq əlaqələr ofisinin təşkilatçılığı ilə Nailəxanım təqaüdü tələbələri ilə görüş keçirilib.

Məqsəd onların tələbəlik həyatları barədə ümumi təəssüratlarının, akademik və sosial mühitdə qarşılaşdıqları problemlərin dinlənilməsi, eləcə də prosesdə onlara dəstəyin təşkili olub.

Görüşdə Beynəlxalq əlaqələr ofisinin müdiri Fatimə Vəliyeva, Beynəlxalq əlaqələr üzrə koordinatorlar Arzu Bədəlova, Turan Əlizadə və Əli Mirzəzadə iştirak ediblər.

Qeyd edək ki, Nailəxanım təqaüdü magistraturada və doktoranturada təhsil almaq istəyən xanım namizədlər üçün tam maliyyələşdirilmiş təqaüd proqramıdır. Hazırda Xəzər Universitetində 3 tələbə Nailəxanım təqaüdü ilə təhsil alır. Onlar İran, Əfqanıstan və İndoneziya vətəndaşlarıdır.