2023-cü il dekabrın 26-da Usuboğlu Qrup Şirkətinin İdarə Heyətinin sədri Samiral Usuboğlunun təşkilatçılığı ilə Raffles Hotels`də Türkiyə Cümhuriyyətinin və Ulu Öndər Heydər Əliyevin 100 illiyi münasibətilə qala gecə keçirilmişdir.
Tədbirdə Türkiyə rəsmiləri və iş adamları, Azərbaycan Respublikasının Diasporla İş üzrə Dövlət Komitəsi sədrinin birinci müavini Valeh Hacıyev, şəhid general Polad Həşimovun anası Səmayə Həşimova və digər qonaqlar iştirak etmişlər.
Açılış nitqlərindən sonra Cümhuriyyətin və Heydər Əliyevin 100 illiyi münasibətilə məxsusi hazırlanmış videoçarxlar, canlı səhnələr nümayiş olunmuşdur.
Qala gecənin konsert proqramında Musiqi və incəsənət departamentinin müəllimi, beynəlxalq mükafatlar laureatı Aşıq Ramin Karayev həm solo, həm də orkestrlə Azərbaycan aşıq havalarını ifa etmişdir.
Qala gecə böyük ziyafətlə başa çatmışdır.