2023-cü il dekabrın 7-də ICMPD-nin (Miqrasiya Siyasətinin İnkişafı üzrə Beynəlxalq Mərkəz) Azərbaycandakı nümayəndəliyi ilə universitetin əməkdaşlığı çərçivəsində əcnəbi tələbələrin sosial və hüquqi maarifləndirilməsi məqsədilə İnteqrasiya proqramı haqqında məlumat sessiyası keçirilib. Sessiyada Xəzər Universitetinin Beynəlxalq əlaqələr şöbəsinin müdiri Fatimə Vəliyeva, şöbənin koordinatoru Turan Əlizadə, qarşı tərəfdən isə ICMPD-nin eksperti Eşqin Tanrıverdi, layihələr üzrə məsul şəxs Lamiyə Rzayeva-Əhmədli, Azərbaycanla Yerdəyişmə üzrə Tərəfdaşlığın Həyata Keçirilməsinə Dəstək Layihəsinin Milli inteqrasiya məsləhətçisi Gülnarə Pənahova iştirak ediblər.

İştirakçılar layihə çərçivəsində əcnəbi tələbələrə qurumun fəaliyyət istiqamətləri və inteqrasiya proqramı xidmətləri barədə məlumat veriblər.

Məlumatlandırma sessiyasına ICMPD-nin İnteqrasiya Proqramı çərçivəsində Azərbaycan Mərkəzi Bankının Maliyyə savadlılığı şöbəsinin aparıcı mütəxəssisi Pərvin Qəhrəmanova da qatılıb. Bank mütəxəssisi əcnəbi tələbələri Azərbaycanda bank məhsullarına çıxış və istifadənin yolları haqqında ətraflı məlumat verib.