2023-cü il dekabrın 14-də Xəzər Universitetinin Psixologiya departamenti və psixologiya ixtisası üzrə təhsil alan tələbələri tərəfindən könüllülük əsasında birgə təsis edilmiş “PsychoClub”-un “Zehni təlimləndirmək” adlı təlimi keçirilib. 20 nəfərdən çox tələbənin iştirak etdiyi təlimi Boğaziçi Universitetini (Türkiyə) fərqlənmə ilə bitirmiş və Stanford Universiteti (ABŞ) CCT (Compassion Cultivation) Proqramının məzunu Sevinc Əliyeva aparıb.

Təlimdə "mindfulness" ilə bağlı Harvard Universiteti (ABŞ) tərəfindən aparılmış tədqiqatın nəticələri paylaşılmış və müzakirə edilmişdir. İnteraktiv müzakirələr və individual təfəkkür prinsipi əsasında aparılan təlimdə "zehin müşahidəsi" və "yemək meditasiyası" ilə bağlı praktiki çalışmalar nümayiş olunub.