2023-cü il dekabrın 14-də Xəzər Universitetində “EduCompany” kursunun dinləyiciləri və müəllim kollektivi ilə görüş keçirilmişdir. Universitetin əməkdaşı Ülvi Babasoy giriş sözü ilə qonaqları salamlamış, Xəzər Universiteti haqda təqdimatla çıxış etmişdir.

Universitetin Psixologiya departamentinin koordinatoru Mələk Kərimova vaxtın idarə edilməsi, imtahan prosesində həyəcanın aradan qaldırılması və səmərəli çalışma metodları ilə bağlı seminar keçirmiş və abituriyentlərin suallarını cavablandırmışdır. Sonda “EduCompany” kurslarının Elmlər filialının rəhbəri Rəşad Əliyev çıxış etmişdir.