2023-ci il noyabrın 30-da Xəzər Universitetinin Beynəlxalq əlaqələr şöbəsinin Miqrasiya Siyasətinin İnkişafı üzrə Beynəlxalq Mərkəzlə görüşü baş tutub.
Görüşdə Xəzər Universitetinin İqtisadiyyat və menecment fakültəsinin dekanı Ceyhun Məmmədov, Beynəlxalq əlaqələr şöbəsinin müdiri Fatimə Vəliyeva, Beynəlxalq əlaqələr üzrə koordinatorlar - Turan Əlizadə və Arzu Bədəlova, qarşı tərəfdən isə Miqrasiya Siyasətinin İnkişafı üzrə Beynəlxalq Mərkəzin eksperti Eşqin Tanrıverdi, Layihələr üzrə məsul şəxs Lamiyə Rzayeva-Əhmədli, Azərbaycanla yerdəyişmə üzrə tərəfdaşlığın həyata keçirilməsinə dəstək layihəsinin milli inteqrasiya məsləhətçisi Gülnarə Pənahova iştirak ediblər.
Görüşdə əsas məqsəd Xəzər Universitetinin Miqrasiya Siyasətinin İnkişafı üzrə Beynəlxalq Mərkəzlə qarşılıqlı fəaliyyətin ilkin formada tanınması və gələcək əməkdaşlıq planlarının müzakirə edilməsi olub.
Qeyd edək ki, Miqrasiya Siyasətinin İnkişafı üzrə Beynəlxalq Mərkəz gələcəkdə həyata keçirəcəkləri və Avropa İttifaqı tərəfindən maliyyələşdirilən MOBILAZE 2 layihəsi çərçivəsində Xəzər Universitetinin əcnəbi tələbə miqrantlarına sosial və hüquqi maarifləndirməni artırmaq məqsədilə İnteqrasiya proqramı haqqında məlumat sessiyası təşkil edir.