2023-cü il noyabrın 22-də Təbiət elmləri, sənət və texnologiya yüksək təhsil fakültəsinin və Hüquq departamentinin təşkilatçılığı ilə Xəzər Universitetində keçirilən seminarda Səma Əsədovanın online şəkildə “Azərbaycan və Türkiyə yerli özünü idarəetmə orqanlarının quruluş və funksiyalarının təhlili və müqayisəsi” adlı məruzəsi dinlənilib. Seminarda universitetin və digər ali təhsil müəssisələrinin əməkdaşları və tələbələri iştirak ediblər.

Qeyd edək ki, məruzəçi Səma Əsədova “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə xaricdə doktorantura təhsili” proqramı çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqavilə əsasında Türkiyə Respublikasının "İstanbul Universitetində " doktorantura təhsili alır.