Xəzər Universitetinin Kitabxana İnformasiya Mərkəzi 2023-cü il noyabrın 20-23-də Antalyada keçirilən "ANKOS Link 2023" beynəlxalq konfransında təmsil olunub. Cümhuriyyətin 100-cü ilində universitet kitabxanalarının fəaliyyətlərinin genişləndirilməsi və təkmilləşdirilməsi konfransın əsas mövzusu idi.

Dünyanın müxtəlif ölkələrinin kitabxana-informasiya mütəxəssislərinin qatıldığı bu tədbirdə Xəzər Universitetinin Kitabxana İnformasiya Mərkəzinin direktoru Tatyana Zaytseva və direktor müavini Aytac Misgərli də iştirak ediblər. Öncə Mərkəz haqqında iştirakçılara məlumat verilib. Sonra süni intellektin kitabxanalara təsiri, yeni platformalardan istifadə qaydaları, rəqəmsal arxivlərin yaradılması, kitabxanalarda yeni texnologiyaların tətbiqi barədə təqdimatlar edilib. 

Konfrans müddətində nüfuzlu nəşriyyatların elmi məlumat bazalarının nümayəndələri ilə də görüşlər keçirilib.