2023-ci il oktyabrın 24-də Xəzər Universitetində Əcnəbi tələbələr klubu tərəfindən universitetin cari əcnəbi tələbələrinə klub haqqında məlumat sessiyası keçirilib.

Tədbiri Beynəlxalq Əlaqələr ofisinin koordinatoru Arzu Bədəlova açmışdır. Sonra klub üzvləri tərəfindən klubun əsas fəaliyyət planı barədə tələbələrə ətraflı məlumat verilib.

Qeyd edək ki, Əcnəbi tələbələr klubu Erasmus Tələbə Cəmiyyəti Azərbaycan platformasının tərkibində fəaliyyət göstərir və Beynəlxalq Əlaqələr ofisi ilə birbaşa əlaqəlidir. Klubun işçi heyətini Xəzər Universitetinin cari tələbələri klubunun prezidenti Alisa Nəsirzadə, vitse-prezident Aduagba Abdullahi Yahaya, sosial media meneceri Nigar Əsgərova, tədbirlər üzrə koordinatorları İlahə Məmmədova və Jalə Zeynalova, dizayner, layihələr və tədbirlər üzrə meneceri Aysu Məmmədova təşkil edir.

Görüşün sonunda tələbələr üçün təşkil olunmuş bir-birilərini tanıma xarakterli oyun keçirilmişdir.