2023-cü il oktyabrın 10-da Xəzər Universitetinin Humanitar, təhsil və sosial elmlər fakültəsində əmək bazarı və iş dünyası nümayəndələrinin təmsil olunduğu Məsləhət Şurasının 2024-2025-ci tədris ili üçün tələbə qəbulu planının müzakirəsi ilə əlaqədar iclası keçirilib.

İclasda 2023-2024-cü tədris ili üçün tələbə qəbulu planı və qəbul olunan tələbə sayı əsasında təhlillər aparılmış və növbəti tədris ili üçün müvafiq ixtisaslar üzrə tələbə qəbulu barədə təkliflər verilmişdir. Eləcə də, əmək bazarında müxtəlif ixtisaslar üzrə mövcud ehtiyaclar (rus dilində müəllim hazırlığı, rus dilli mütəxəssislərinin çatışmazlığı, ibtidai sinif müəllimliyi (tədris ingilis dilində) ixtisasında Beynəlxalq Bakalavriat Proqramının tələblərinin nəzərə alınması, erməni, gürcü, ispan dillərinin tərcüməsi üzrə kadr hazırlığı və s. məsələlər müzakirə olunmuşdur.