2023-cü il sentyabrın 21-də Xəzər Universitetinin Beynəlxalq əlaqələr ofisi tələbələr üçün Erasmus+ Tələbə Mübadilə Proqramı və ikitərəfli müqavilələrə əsaslanan mübadilə üzrə məlumatlandırma sessiyası keçirdi. Sessiyada universitetin Beynəlxalq əlaqələr üzrə prorektoru Vlad Vernygora və Beynəlxalq əlaqələr ofisinin koordinatoru Fatimə Vəliyeva tələbələrə ətraflı məlumat verdilər.

Sessiyada, həmçinin, 2022-2023-cü tədris ilinin yaz semestrində mübadilə proqramında iştirak etmiş tələbələr – Təbiət elmləri və mühəndislik fakültəsinin dördüncü kurs tələbəsi Seymur Mirzəliyev (İtaliyanın Tuscia Universiteti (UNİTUS) və İqtisadiyyat və menecment fakültəsinin ikinci kurs tələbəsi Əzizə Mustafayeva (İspaniyanin San-Antonio Mursiya Katolik Universiteti) iştirak etdilər və Erasmus təcrübələri haqqında təqdimat paylaşdılar.

Sonda tələbələrin sualları cavablandırıldı.