Kamera musiqisi axşamı

2023-cü il sentyabrın 23-də festival çərçivəsində Azərbaycan Milli İncəsənət Muzeyində Xəzər Universitetinin Kamera orkestrinin (bədii rəhbər universitetin Musiqi və incəsənət departamentinin müdiri, əməkdar müəllim Zülfiyyə Sadıqova) iştirakı ilə Kamera musiqisi axşamı keçirildi.

Solistlər əməkdar müəllim Zülfiyyə Sadıqova (piano), əməkdar artist İlahə Əfəndiyeva (soprano), əməkdar artist Əyyub Əliyev (violonçel), əməkdar artist Şirzad Fətəliyev (balaban) və Nurlan Gəncəli (qoboy) idilər.

Kamera musiqi axşamında Ü.Hacıbəyli`nin “Sevgili canan”, F.Obradors`un “Chiquitita la novia”, Q.Qarayev-C.Hacıyev`in "Vətən" operasından “Dilbərin ariyası”, Ə.Hüseynzadə`nin “Vəslin həvəsi”, R.Schuman`ın “Romans”, F.Əmirov`un “Məhəbbət rəqsi”, K.Debussy`nin “Sevinc adası”, F.Lizst`in” Transsendental etüde F-moll, №10”, A.Rzayev`in “Düşüncə” və N.Əliverdibəyovun “Ləzginka” əsərləri ifa olundu.

***

Sentyabrın 25-də Xəzər Universitetinin Kamera orkestri festival çərçivəsində Azərbaycan Texniki Universitetində konsert proqramı ilə çıxış etdi. Dirijor Azərbaycan Dövlət Akademik Opera və Balet Teatrının dirijoru Orxan Həşimov idi.

Konsertdə Ü.Hacıbəyli`nin “Arazbarı”, E.Elgar`ın simlilər üçün “Serenada”, F.Qarayev`in “In memorium” və digər əsərlər ifa olundu.