2023-cü il sentyabrın 19-da Xəzər Universitetində Şərq Tərəfdaşlığı Regionunda Açıq Elmin Təşviqi - ERASMUS+ ATPG layihəsi çərçivəsində yerli və xarici tərəfdaşlarla görüş keçirilmişdir. Tədbirdə layihənin koordinatoru Gürcüstanın İlia Dövlət Universitetindən və Xəzər Universiteti, Sumqayıt Dövlət Universiteti, Milli Elmlər Akademiyası və İqtisadiyyat Universitetindən nümayəndələr iştirak edirdi.

Tədbir Xəzər Universitetinin rektoru İradə Xəlilovanın giriş sözü ilə başlamışdır. Sonra universitetin İnkişaf Mərkəzinin rəhbəri Raziyə İsayeva onlayn şəkildə görüşə qatılmış, qonaqları salamlamış və yeni layihədə hər kəsə uğurlar arzulamışdır.

Xəzər Universitetindən layihə meneceri Səbinə Quliyeva da tədbirdə iştirak etmişdir.

Görüşdə layihənin ilkin təqdimatı olmuş, layihə ərzində görüləcək işlər, planlar haqqında danışılmış və müzakirələr aparılmışdır.

Sonda görüş şam yeməyi ilə başa çatmışdır.