Xəzər Universiteti Riyaziyyat departamentinin professoru Biləndər Allahverdiyevin “Titchmarsh-Weyl theory for impulsive dynamic Dirac system” (“İmpulsiv dinamik Dirak sistemi üçün Titçmarş-Veyl nəzəriyyəsi”) adlı birinci müəllifi olduğu məqalə “Qualitative Theory of Dynamical Systems” jurnalında (2023, Cild 22, № 148) dərc edilmişdir. Qeyd edək ki, “Qualitative Theory of Dynamical Systems” jurnalı “Web of Science” və “Scopus” verilənlər bazalarında indeksləşdirilib.

Məqalədə müəlliflər impulsiv dinamik Dirak sistemi üçün Titçmarş-Veyl nəzəriyyəsini tədqiq edirlər. Bu sistem üçün limit-dairəsi/limit-nöqtəsi təsnifatı aparılır. Məqalədə isbat olunur ki, impulsiv dinamik Dirak sistemində klassik Dirak sistemlərində olduğu kimi, yalnız limit-nöqtəsi halı mövcud olur. Nəhayət, məqalə nəticələrinə aid bir nümunə təqdim edilir. 

Məqaləyə keçid: https://link.springer.com/article/10.1007/s12346-023-00846-4 

https://www.springer.com/journal/12346