Mən, Seymur Mirzalıyev Xəzər Universitetinin Təbiət elmləri və mühəndislik fakültəsində Neft-qaz mühəndisliyi ixtisasının 3-cü kurs tələbəsiyəm.
Erasmus+ Tələbə Mübadilə Proqramı vasitəsilə 2022-2023-cü tədris ilinin yaz semestrində İtaliyanın Tuscia Universitetində Mexanika mühəndisliyi ixtisası üzrə təhsilimi davam etdirmişəm.
İtaliyadakı proqramda iştirakım mənə bilik cəhətdən çox önəmli oldu. Təhsil proqramımın əsas hissəsini mühəndislik ixtisası tələbələri ilə birlikdə işləyərək keçirdim və bu da mənə təcrübə cəhətdən çox kömək etdi.
Mübadilə proqramı boyunca ordakı sosial həyatıma da vaxt ayırdım. Bacara bildiyim qədər dünyanın ən gözəl ölkələrindın biri olan İtaliyada səyahət etdim. İtaliya ilə yanaşı, Avropanın bir neçə gözəl ölkə və şəhərlərini də görmək imkanım oldu. Getdiyim hər yerdə yeni insanlarla tanış olub, gözəl anlar yaşadım.
Universitetin daxilində keçirilən tədbirlərə qatılmağa da vaxt tapırdım. Bunlardan ən yadda qalanı “International Multi-Culti Day” oldu. Bu tədbirdə müxtəlif milli-mənəvi dəyərlərimizi nümayiş etdirərək, öz ölkəmi layiqincə təmsil etməyə çalışdım.
Ümumilikdə, cəmi bir semestrlik müddətə baxmayaraq, zəngin bilik və bacarıqlara yiyələndim.
Seymur Mirzalıyev