Seriyanın “Zeynəb Paşa” adlı dördüncü kitabı Xəzər Universiteti Nəşriyyatında çapdan çıxmışdır. Kitabın müəllifi Təhminə Əsgərovadır.

Kitabda əsr yarım bundan əvvəl qırx nəfər təbrizli qadın ilə silahlı dəstə yaradaraq, zülmə və feodal quruluşunun qadınları məruz qoyduğu bərabərsizliyə qarşı partizan döyüşləri apararaq, qeyri-adi şücaətləri ilə İran qadın müqavimət hərəkatının əfsanəsinə çevrilmiş Zeynəb Paşadan bəhs edilir.

Zeynəb Paşa Təbrizdə aclıq zamanı taxıl anbarlarını açdırıb, taxılı xalqa paylamış, “Reje hərəkatı”na (“Tənbəki üsyanı”) rəhbərlik etmiş şəxslərdən biri olmuşdur.

Uzun ömür sürmüş Zeynəb Paşa Kərbəlaya son səfərində orada vəfat etmiş və dəfn edilmişdir.

Kitab oxuculara gözəl tərtibatla təqdim olunur.