Seriyanın “Pərixan xanım” adlı üçüncü kitabı Xəzər Universiteti Nəşriyyatında çapdan çıxmışdır. Kitabın müəllifləri professorlar Şahin Fazil və Hamlet İsaxanlıdır.

Kitab Şah Təhmasibin qızı, Səfəvilər dövlətinin qadın hökmdarı Pərixan xanıma həsr edilmişdir. Çox savadlı və ağıllı qız olan Pərixan xanım atasının köməkçisi, müşaviri olmuşdu. “Həqiqi” təxəllüsü ilə fars dilində lirik şeirlər və poemalar yazmışdı.

Kitabda Pərixan xanımın həyatı xronoloji ardıcıllıqla izlənilmiş, bir müddət de-fakto hökmdarlığı nəzərə çatdırılmış, saray çəkişmələrində qətlə yetirildiyi göstərilmişdir.

Üçüncü kitab üçün də nəşrin nəfisliyi, informasiyaları zənginləşdirən şəkillərin yerləşdirilməsi səciyyəvidir.