2023-cü il mayın 22-26-da Xəzər Universiteti Neft mühəndisliyi departamentinin müəllimi Dr. Qriqori Penkov Erasmus+ İşçi heyətinin mübadiləsi proqramı (KA107) çərçivəsində İtaliyanın Torino Politeknik Universitetində keçirilmiş Beynəlxalq Mobillilik Həftəsində iştirak etmişdir.

Proqram təliminin keçirilməsində bir neçə məqsəd vardır: əsasən universitetlərdə proqram inklüzivliyinin və müxtəlifliyin əhəmiyyətini təqdim etmək; öz fəaliyyətlərinin keyfiyyət təsirini artırmaq və bərabər imkanları təmin etmək; daha az imkanları olan insanlara, o cümlədən əlillər, təhsildə çətinlik çəkənlər və ya miqrant mənşəli şəxslərə, eləcə də kənd və ucqar ərazilərdə yaşayanlara diqqət yetirmək; Torino Politexnik universitetində mövcud olan müxtəlif müəllim hazırlığı proqramlarını təqdim etmək.

Təlimdə Xəzər universiteti ilə bərabər müxtəlif ölkələrdən və universitetlərdən olan işçilər iştirak ediblər. Həmçinin, ev sahibi universitet tərəfindən PoliTO şəhərciyinə səfər və Torinoya gəzinti turu təşkil edilib.