2023-cü il mayın 31-də Xəzər Universitetində Karyera Mərkəzinin təşkilatçılığı ilə ənənəvi Karyera Sərgisi keçirildi. Sərgi nüfuzlu şirkətlərdə təcrübə keçmək və ya iş axtarışında olan gənc kadrların bir araya gətirilməsi və bacarıqlarına uyğun imkanlar əldə etmək üçün nəzərdə tutulmuşdur. Karyera Sərgisi zamanı EY, Konsis, Coca-Cola Azərbaycan, Engin, The Ritz-Carlton Baku, JW Marriot Absheron Baku, Norm, Kapital Bank, Expressbank, Bakertilly, BSC Consulting, AIESEC, Hoffman Co., Leznik Co., Barottson, Şəms tərcümə mərkəzi, Avromed, Unico, Konsis Group, İntertek, Sinteks başda olmaqla 20-dən çox şirkət öz iş və təcrübə imkanlarını Xəzər Universitetinin tələbə və məzunlarına elan etdilər. Bu sərgi sayəsində tələbələr təcrübə və iş imkanı, şirkətlər isə çox sayda istedadlı, bilikli və enerjili kadrlarla təmin olunma şansı qazanmış oldular. Və hər iki tərəf - həm şirkətlər, həm də tələbələr bu işgüzar görüşdən məmnun qaldılar.