2023-cü il mayın 30-31-də Xəzər Universitetində İnkişaf Mərkəzi və İqtisadiyyat və menecment fakültəsinin birgə təşkilatçılığı ilə “MİRAS” İctimai Birliyi tərəfindən “Mədəni irs sahəsində öz biznesinizə başlayın” adlı təlim keçirilmişdir.

Tədbir İqtisadiyyat və menecment fakültəsinin dekanı Ceyhun Məmmədovun çıxışı ilə başlamışdır. Təlimçi - “MİRAS” İctimai Birliyinin direktoru Fariz Xəlili tələbələrlə tanış olmuş, onların startap ideyalarını dinləmiş, biznes plan qurulmasında öz tövsiyələrini vermiş, sualları cavablandırmışdır.

2 gün davam edən təlim iştirakçılar tərəfindən maraqla qarşılanmışdır. Sonda tələbələrə sertifikat verilmişdir.