2023-cü il mayın 25-də Karyera Mərkəzinin təşkilatçılığı ilə Xəzər Universitetində “İnşaat mühəndisliyi - bünövrə planı” adlı seminar keçirildi. Seminarda “Kristal Abşeron MTK” şirkətinin Texniki ofis mühəndisi Vurğun Yusubov öz təcrübəsini tələbələrlə bölüşdü. Xatırladaq ki, Vurğun Yusubov 2019-cu ildə Xəzər Universitetinin İnşaat mühəndisliyi ixtisasından məzun olmuşdur.
Seminarda inşaatın tikinti prosesi, sahənin müsbət və mənfi tərəfləri, təcrübə və təhsilin önəmi haqqında geniş danışıldı. “Mühəndis kimdir?”, “Sahə mühəndisi, yoxsa ofis mühəndisi?, “Sahə nədir və üstünlükləri nələrdir?” və s. kimi suallar ətrafında müzakirələr aparıldı.
Seminarın sonunda tələbələrin sualları cavablandırıldı.