2023-cü il mayın 22-də Xəzər Universiteti Karyera Mərkəzinin və “Davam” Gənclər Hərəkatı təşkilatının təşəbbüsü ilə “Davamçı ol” adlı tədbir keçirildi. Tədbir Karyera Mərkəzinin nümayəndəsi Mustafa Həsənlinin tələbələrə təşkilat haqqında ilkin məlumat verməsi ilə başlandı.

Ardınca təşkilatın Təhsil Müəssisələri ilə İş üzrə Katibi Kəmalə Ramazanova “Davam” təşkilatının prinsipləri, metodları, gənclərə qazandıracağı bilik və bacarıqlar barədə təqdimatını nümayiş etdirdi.

Tədbir tələbələrin suallarının cavablandırılması ilə yekunlaşdı. Tədbirin sonunda təşkilatın nümayəndələri iştirakçı tələbələrə təşkilatın spesifik qolbaq və sancaqlarını təqdim etdilər.