2023-cü il mayın 12-də Xəzər Universitetinin Tarix klubu və universitetin Kuantum İntellektual Oyunlar Klubunun ortaq təşkilatçılığı ilə NHN-Breyn Ring yarışı keçirildi.
Yarışda Xəzər Universitetinin tələbələrindən ibarət 12 komanda yarışdı. Yarış 2 turdan ibarət oldu. İlk turda NHN formatında 24 sual verildi. Bu turda ən çox xal yığmış 5 komanda arasında Breyn Ring yarışı keçirildi. İlk öncə 2 yarımfinal oyunu oynandı. Bu turlardan sonra isə ən güclülər BoomShakaLaka və BoomWakaWaka komandaları arasında final oyunu keçirildi.
Oyunun qalibi BoomWakaWaka komandası oldu (İbrahim Ələskərli, Seyid Həsənli, Şamil Namazov, Kənan Bünyadov).
2-ci yeri BoomShakaLaka komandası tutdu (Hüseyn Heydərli, Tərlan Şükürov, Məhəmmədzamin Eynəlizadə, Hüseyn Qoçayev, Cəmaləddin Səfərli).
3-cülük yarışında isə Excalibur və Superiors komandaları yarışdı. Superiors komandası qalib gələrək, 3-cü yerin sahibi oldu (Elvin Dadaşov, Benjamin Oded, Fariz Mirzəzadə, Amil Abbasov, Nurlan İsmayılov).
Sonda komandaların iştirakçıları medal və sertifikatlarla mükafatlandırıldı.