2023-cü il mayın 11-də Xəzər Universitetinin Humanitar, təhsil və sosial elmlər fakültəsində əmək bazarından və iş dünyasından nümayəndələrin təmsil olunduğu Məsləhət Şurasının üzvləri ilə Fakültə Elmi Şurasının görüşü keçirilmişdir.

Görüşdə fakültənin qarşısına qoyduğu hədəflər, tədris prosesinə cəlb olunan kadrlar, təşkilati məsələlər, tələbələrin hərtərəfli inkişafı - onlarda peşə etikasının, komandada işləmək bacarıqlarının formalaşması üçün mövcud təhsil proqramlarının və təlim nəticələrinin təkmilləşdirilməsi, karyera inkişafı, istehsalat təcrübəsi və pedaqoji internaturanın təşkili məsələləri müzakirə olunmuşdur.