2023-cü il mayın 5-də Xəzər Universitetinin İngilis dili və ədəbiyyatı departamenti tərəfindən universitetin qurucusu, alim və şair, professor, akademik Hamlet İsaxanlının 75 illik yubileyi münasibətilə Üçüncü Şeir Qiraət Müsabiqəsi təşkil edildi.

Departamentin müdiri Dr. Milana Abbasovanın giriş sözündən sonra Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı və universitetin rektoru dosent İradə Xəlilova, departamentin baş müəllimi Firəngiz Nəsirova çıxış edərək, ardıcıl keçirilən tədbirin tələbələrin inkişafındakı önəmindən danışdılar. Tədbirə zoom video konfransı vasitəsilə qatılan Türkiyənin Manisa Celal Bayar Universitetindən Dr. Mira Pınar Dolapkaya iştirakçılara xoş arzularını çatdırdı və gələn il Manisa Celal Bayar Universitetinin tələbələrinin də bu müsabiqədə iştirak etmək imkanlarının olacağına ümid etdiyini bildirdi.

Departamentin müdiri Dr. Milana Abbasova, müəllimləri Firəngiz Nəsirova, Lidiya Həmidova, İlham Tağıyev, Kəmalə Əsgərova və Nailə Qasımova, Abılay Xan adına Qazaxıstan Beynəlxalq Münasibətlər və Dünya Dilləri Universitetindən Saulet Alpisbaeva və Havay Universitetindən Fulbrayt alimi Dr. Elnur Hacıyevdən ibarət münsiflər heyəti müsabiqə iştirakçılarının çıxışlarını dəqiqlik, dramatik uyğunluq, anlama, səs, artikulyasiya və ümumi təəssürat əsasında qiymətləndirib, qalibləri müəyyənləşdirdilər:

1-ci yer - Bahar Həmidli

2-ci yer - Gülay Ələkbərova və Nurcan Qazizadə

3-cü yer - Şayeste Mələkan, Afaq Mustafazadə və Xədicə Əhmədzadə

Qaliblərə sertifikat təqdim olundu.