2023-cü il mayın 11-də “Profity Academy” – Konsultasiya və Təlim Mərkəzi və Xəzər Universitetinin birgə əməkdaşlığı ilə universitetdə “Zamanı idarə et” mövzusunda seminar keçirildi. Seminar akademiyanın nümayəndəsi Aidə Ramizin tələbələri təlim mərkəzi haqqında ümumi məlumatlandırması ilə başladı.
Ardınca konsultant Vüsal Soltanlı “Time Management”, yəni zamanın doğru şəkildə idarə edilməsinin yolları ilə bağlı təqdimatında gənclərə həyatlarının istənilən mövqeyində, ələlxüsus da iş həyatında bunun böyük əhəmiyyətindən bəhs etdi.
Seminarın davamında Profity Academy mərkəzinin qurucusu Natiq Hüseynov həm mərkəzin tələbə və gənclərin özünü inkişaf etdirməsində rolundan, eyni zamanda hal-hazırda icra etdikləri bütün fəaliyyətlərin ümumi məzmunundan danışdı.
Sonda dinləyici və təlimçilər arasındakı sual-cavab prosesi əsnasında uğurlu olan 2 tələbəyə Profity Academy tərəfindən ödənişsiz konsultasiya hədiyyə olundu.