2023-cü il mayın 7-də Xəzər Universitetinin nəzdində fəaliyyət göstərən Heyvan Rifahı Klubu tərəfindən Bakı Zooloji Parkında “Vəhşi və kənd təsərrüfatı heyvanlarının rifahı” mövzusunda maarifləndirici təlim keçirilmişdir.
Təlimdə klubun həmtəsisçiləri - baytarlıq ixtisası üzrə 3-cü kurs tələbələri Səmanə Alquliyeva və Nigar Əsgərova təlimin məqsədi haqqında klub üzvlərinə ətraflı məlumat vermiş, zoopark şəraitində heyvanların rifahının təmin olunmasına dair müzakirələr aparmışlar.
Sonra klub üzvləri təlim nəticəsində əldə etdikləri məlumatları əyani şəkildə müşahidə etmək məqsədilə zooparkda heyvanların saxlanma şəraiti, qidalanması və digər qulluq işləri ilə tanış oldular.