2023-cü il mayın 5-də Xəzər Universitetinin Kitabxana İnformasiya Mərkəzində “Azərbaycan Oxucuları” Kitab Klubu ilə görüş keçirildi.

Görüşü giriş sözü ilə Kitabxana İnformasiya Mərkəzinin direktor müavini Aytac Misgərli açaraq qonaqları salamladı, tədbirin əhəmiyyətini vurğuladı.

Sonra “Azərbaycan Oxucuları” Kitab Klubunun ideya müəllifi və təsisçisi Yasin Məmmədov geniş təqdimatla çıxış etdi. Bildirdi ki, “Azərbaycan Oxucuları” Kitab Klubu 2022-ci il iyunun 23-də təsis edilmişdir. 2023-cü ildən etibarən aktiv şəkildə fəaliyyətini davam etdirən klubun əsas məqsədi bütün Azərbaycan oxucularını vahid bir platformada birləşdirməkdir.

Təqdimat tələbələr və kitabxana işçiləri tərəfindən maraqla dinlənildi.