Universitet həyatımın ən unudulmaz anları
Mən İqtisadiyyat və menecment fakültəsinin maliyyə ixtisası üzrə 4-cü kurs tələbəsiyəm.
Erasmus+ Tələbə Mübadilə Proqramı çərçivəsində Türkiyənin Manisa Celal Bayar Universitetində bu ilin fevral-mart aylarında iki aylıq təcrübə keçmişəm. Bu proqram bilik və bacarıqları tətbiq etmək və təcrübə qazanmaq üçün əla imkandır.
Mən Celal Bayar Universitetində iki fərqli bölümdə təcrübədə oldum. Əvvəlcə Strateji Birimdə, sonra isə İşlətmə fakültəsində. Hər birində fərqli təcrübə və biliklərə yiyələndim, mükəmməl insanlarla birlikdə çalışmaq imkanı əldə etdim. Universitetə mübadilə proqramı ilə Əlcəzair, Kosova, Keniya, İordaniya və s. ölkələrdən tələbələr gəlir. Mən də bu tələbələrlə tanış oldum, onlarla birlikdə səyahətə çıxdım.
Bundan əlavə, Erasmus ofisi və könüllü tələbələr tərəfindən şəhər turları təşkil edilir və müxtəlif tədbirlər həyata keçirilir.
Türkiyədə tələbələrin yeri xüsusidir, yəni siz tələbə kartınızı göstərməklə bir çox şeydə endirim əldə edə bilərsiniz.
Deyə bilərəm ki, bu proqam sayəsində mən universitet həyatımın ən unudulmaz anlarını yaşadım. Orda qaldığım müddət ərzində Türkiyənin ən gözəl şəhərlərindən olan İstanbul və İzmiri gəzdim və çoxlu xatirələrim var.
Sima Rəhimova