2023-cü il aprelin 13-də Türkiyənin İstanbul Universitetində “Botanika” ixtisası üzrə doktorantura təhsili alan Kübra İbrahimova Xəzər Universitetində təşkil olunmuş seminarda “Çirkləndiricilərin bitkilərlə təmizlənməsi - Fitoremediasiya (Yaşıl texnologiya)” adlı geniş məruzə ilə çıxış etmişdir. Seminar Microsoft Teams platforması vasitəsilə onlayn şəkildə təşkil olunmuş və seminarda Təbiət elmləri, sənət və texnologiya yüksək təhsil fakültəsinin, həmçinin Həyat elmləri departamentinin müəllim və tələbələri iştirak etmişdir. Məruzədən sonra mövzu ilə əlaqədar suallar cavablandırılmış və geniş müzakirələr aparılmışdır.

Qeyd edək ki, Kübra İbrahimova “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqavilə əsasında təhsil alır.