2023-cü il martın 31-də Xəzər Universitetində Karyera Mərkəzinin təşkil etdiyi “Azerbaijan Fish Farm” şirkətinin təqdimatı keçirildi. Şirkətin İnsan resursları üzrə departamentinin direktoru Nigar Əliyeva və həmin departamentin koordinatoru Ülviyyə Cəfərova şirkətin sturukturu və fəaliyyəti haqqında ətraflı məlumat verdilər.

Sonra şirkətin təcrübə proqramları - istehsalat, maliyyə, satınalma, insan resusları, marketing, kimya mühəndisliyi, biologiya və s. barədə danışdılar və tələbələrin karyeraya başlamaq imkanları müzakirə olundu, təcrübə proqramlarına qoşulmaq və mərhələləri izah edildi. Sonda isə şirkətin əməkdaşları tələbələrin suallarını cavablandırdılar.