2023-ci il fevralın 23-də Xəzər Universitetinin Beynəlxalq əlaqələr ofisi tələbələr üçün Erasmus+ Tələbə Mobilliyi üzrə məlumat sessiyası keçirdi. Sessiyada universitetin Beynəlxalq əlaqələr üzrə prorektoru Vlad Verniygora və Beynəlxalq əlaqələr ofisinin koordinatoru Fatimə Vəliyeva Erasmus+ Tələbə Mobilliyi üzrə tələbələrə ətraflı məlumat verdilər.
Sessiyada, həmçinin, mübadilə proqramında iştirak etmiş tələbələr – Təbiət elmləri və mühəndislik fakültəsinin dördüncü kurs tələbəsi (Kompüter mühəndisliyi ixtisası) Zaur Əliyev (İtaliyanın Roma Sapienza Universiteti) və İqtisadiyyat və menecment fakültəsinin dördüncü kurs tələbəsi (Biznesin idarə edilməsi ixtisası) Fərid Rəhimli (Türkiyənin Manisa Celal Bayar Universiteti) iştirak etdilər və Erasmus təcrübələrini paylaşdılar.
Sonda tələbələrin sualları cavablandırıldı.