2023-cü il fevralın 27-28-də Xəzər Universitetinin nümayəndə heyəti tərəfdaşı olan İstanbul Aydın Universitetinin (İAU) təşkil etdiyi “Qlobal Tərəfdaşlar Həftəsi”ndə iştirak etdi. Erasmus+ Proqramı çərçivəsində Beynəlxalq əlaqələr ofisinin koordinatoru Fatimə Vəliyeva və Keyfiyyətə Təminat Mərkəzinin assistenti Kəmalə Mustafayeva tədbirdə Xəzər Universitetini təmsil etdilər.

Tədbirin məqsədi tərəfdaşları bir araya gətirmək, ikitərəfli əməkdaşlığı genişləndirmək, beynəlmiləlləşmə sahəsində ən yaxşı təcrübələrin mübadiləsi idi.

İştirakçılar bələdçili kampus turunda oldular və sonra öz universitetlərinin virtual proqramları, yay məktəbləri, dil və mədəniyyət kursları haqqında müxtəlif növ təqdimatlar keçirdilər. Xəzər Universitetinin nümayəndələri tərəfindən universitetin fəaliyyəti, beynəlxalq əlaqələri və təklif etdiyi təqaüd və proqramları özündə əks etdirən təqdimat nümayiş etdirildi. İAU-nun Beynəlmiləlləşmə üzrə məsləhətçisi Ayşe Deniz Ozkan tərəfindən Beynəlmiləlləşmə üzrə vörkşop keçirildi. Vörkşopda müxtəlif ölkələrin universitetləri öz təcrübələrini bölüşdü.