2023-cü il fevralın 16-17-də Niderlandın Groningen Universitetindən olan iştirakçılar ilə Xəzər Universitetində “Aİ-nin Şərq tərəfdaşlığından Aİ-nin Mərkəzi Asiya siyasətinə: davamlılıq və dəyişiklik” (“From the EU’s Eastern Partnership to the EU’s Central Asia Policy: Continuity and Change”) mövzusunda iki günlük konfrans keçirilmişdir. Konfrans Xəzər Universitetinin rektoru Dos. İradə Xəlilovanın açılış nitqi ilə başlamış və universitetdən əməkdaşlar, müəllim və tələbə heyəti də iştirak etmişdir.
Konfransda Niderland, İtaliya, Çexiya, Polşa, Qazaxıstan, Belçika, və İspaniyadan olan mütəxəssislərin çıxışları dinlənilmişdir.
Konfrans Groningen Universitetinin əməkdaşı Dr. Agha Bayramov və Xəzər Universitetinin Siyasi elmlər və fəlsəfə departamentinin əməkdaşı Dr. Fərid Quliyevin səyi ilə təşkil olunmuş və Beynəlxalq əlaqələr ofisi də təşkilatçılıqda iştirak etmişdir.
Əcnəbi heyətin konfransın 2-ci günündə Atəşgah məbədinə səfəri təşkil olunmuşdur.