İngilis dili və ədəbiyyatı departamentinin müdiri vəzifəsini icra edən Milana Abbasovanın iştirakı və departamentin müəllimi Oluvaseyi Sodiya`nın təqdimatı ilə Bakı şəhərinin Xətai rayonundakı Humanitar Fənlər Təmayüllü Məktəb-Liseyin ingilis dili müəllimlərinə “Şagirdlərin düzgün qiymətləndirilməsi və motivasiya edilməsi” adlı təlim keçirildi.
Təlim 2023-cü il yanvarın 27-də qeyd olunan lisey-məktəbdə baş tutdu. Həm nəzəri, həm də praktiki hissədən ibarət olan təlimdə məktəb müəllimləri dərsin maraqlı qurulması strategiyaları, şagirdlərin motivasiya edilməsi və qiymətləndirilməsi ilə bağlı maraqlı məlumatlar əldə etdilər və öz təcrübələrini bölüşdülər.