2023-cü il yanvarın 25-də nümayəndə heyəti Nevşehirin görməli yerləri ilə tanış oldu.

Sonra nümayəndə heyətini Kapadokya Universitetinin rəhbərliyi qəbul etdi. Görüşdə Kapadokiya Universitetinin prorektoru Vesile Şenol, Beynəlxalq əlaqələr şöbəsinin koordinatoru Sena İdil Yukaruç iştirak etdilər. Nümayəndə heyətinin rəhbəri Əlövsət Əmirbəyli Xəzər Universiteti adından rektor yardımcısı Vesile Şenol`a Şuşa plaketini təqdim etdi.

Arxeoloji Muzeydə və Japon bağçasında

2023-cü il yanvarın 26-da nümayəndə heyətinin üzvləri Kaman Kale Höyük Arxeoloji Muzeyində və Japon bağçasında oldular.

Proqramın davamı olaraq, Gənclik Mərkəzində Xəzər Universiteti nümayəndə heyətinin Mərkəzin əməkdaşları və könüllü gəncləri ilə görüşü keçirildi. Nümayəndə heyəti Gənclər Mərkəzinin fəaliyyəti ilə yaxından tanış oldu.

Proqramın bağlanış tədbiri

2023-cü il yanvarın 26-da Kırşehir “Grand Terme“ otelinin Konfrans salonunda “Türkiyə-Azərbaycan Gənclik Mübadiləsi Proqramı”nın bağlanış tədbiri keçirildi. Nümayəndə heyətinin proqram haqqında təəssüratları dinlənildi. Proqram günlərini əhatə edən fotolardan ibarət slayd nümayiş etdirildi. Tədbir musiqi proqramı ilə davam etdirildi.

Yanvarın 27-də Xəzər Universitetinin nümayəndə heyəti Bakıya döndü.