Xəzər Universiteti Fizika və elektronika departamentinin müdiri dosent Fəridə Tatardarın həmmüəllifi olduğu "Berezinskii diagrammatic method for one-dimensional irregular wire with spin-orbit interaction” (“Spin-orbital qarşılıqlı təsirə malik birölçülü nizamsız naqil üçün Berezinski diaqrammatik metodu”) adlı məqalə “Physica e-low-dimensional systems & nanostructures” jurnalında (Elsevier Q2 Impact Score 3.25; volume 146, january 2023) dərc olunmuşdur.

Məqalədə müəllif elektronların hər hansı aşağı ölçülü birləşmələrdə paylanması üçün analitik asılılığın tapılması həmin birləşmənin həm daha dərin fundamental tədqiqi, həm də geniş tətbiqi baxımından çox böyük əhəmiyyət kəsb etməsini nəzərə alaraq, iki ölçüdə kvant konfaynmentinə tabe olan, bir ölçüdə isə həcmiliyini qoruyan Rashba və Dresselhaus spin-orbit qarşılıqlı təsirinə malik aşağı ölçülü sistem olan nizamsız kvant naqili üçün lokal səviyyələrdə elektron sıxlığı paylanmasının analitik ifadəsini tapmışdır. Bu analitik ifadəni tapmaq üçün ikiölçülü konfaynmentə malik fiziki sistemlər üçün genişləndirilmiş Berezinski harmonik approksimasiyası tətbiq edilmişdir.

http://dx.doi.org/10.1016/j.physe.2022.115550