2022-ci il dekabrın 27-də Azərbaycan Respublikasının Prezidenti yanında Ali Attestasiya Komissiyasında (AAK) Xəzər Universitetinin İngilis dili və ədəbiyyatı departamentinin müdir əvəzi Milana Abbasovaya filologiya üzrə fəlsəfə doktoru diplomu təqdim olunub. AAK-ın qərarı ilə ona 5708.01 – German dilləri ixtisası üzrə filologiya üzrə fəlsəfə doktoru elmi dərəcəsi verilmişdir.

Qeyd edək ki, Milana Abbasova Azərbaycan Dillər Universiteti nəzdində fəaliyyət göstərən ED 2.12 Dissertasiya şurasında 2021-ci il dekabrın 22-də “İngilis dilinin tədqiqinə sosiolinqvistik yanaşmada müasir tendensiyalar” adlı dissertasiya işini müdafiə etmişdir.