2022-ci il dekabrın 21-də Xəzər Universitetinin Mərmər zalında Tarix və arxeologiya departamentinin təşkilatçılığı ilə tarix elmləri doktoru, professor Nəsiman Yaqublunun “Şuşa ziyalıları: unudulmuş irs” kitabının təqdimatı keçirildi.

N.Yaqublu çıxışında bildidi ki, sovet rejimi dövründə Azərbaycandan və eləcə də əslən Şuşadan olan çoxlu sayda tanınmış ziyalılar vətəni tərk etmək məcburiyyətində qalıb, müxtəlif ölkkələrdə yaşayıblar.Onlar, eyni zamanda, həmin ölkələrdə zəngin irs qoyub gediblər. Bu ilin “Şuşa ili” elan edilməsi imkan yaradırdı ki, həmin şəxsiyyətlərin irsi toplanılıb Azərbaycana gətirilsin və kitab olaraq nəşr edilsin.Bu sırada Əhməd bəy Ağaoğlunun, Ceyhun bəy Hacıbəylinin, Hilal Münşinin, Abay Mirzənin, Hüseyn Baykaranın, Hüseyn Mirzəcamalbəyovun adlarını çəkmək mümkündür.

N.Yaqublu qeyd edib ki, bu araşdırma prosesi gələcəkdə də davam edəcək, unudulmuş zəngin mühacirət irsimiz toplanılıb nəşr olunacaq və Azərbaycan tarixini zənginləşdirəcək.

Universitetin İctimai əlaqələr və media üzrə direktoru Əlövsət Əmirbəyli çıxışında Şuşanın Azərbaycan xalqı və tarixi üçün daşıdığı önəmdən danışdı.

Tədbirin soununda N.Yaqublu sualları cavablandırıb və müəllif imzasıyla tələbələrə kitablar hədiyyə etdi.