2022-ci il dekabrın 16-da Xəzər Universitetinin Buzovnadakı “Xəzər İnci” hotelinin konfrans-konsert salonunda Bakıda səfərdə olan türkiyəli qonaların yola salınması mərasimi keçirildi. Mərasimdə dekabrın 12-dən Xəzər Universitetinin qonağı olan Türkiyə Cümhuriyyəti Gənclər və İdman Nazirliyi Kırşehir rayon müdiri Numan Şahin, şəbə müdiri Aslan Uçar, layihə rəhbəri Hakan Afşar və Ahi Evren Üniversitetindən olan könüllülər Xəzər Universitetində olmaqdan məmnun qaldıqlarını və universitet rəhbərliyinə təşəkkürlərini bildirdilər.

İctimai əlaqələr və media üzrə direktor Əlövsət Əmirbəyli qonaqlara Xəzər Universitetinin rektoru tərəfindən imzalanmış sertifikatları təqdim etdi.

Qonaqlar Bakı hava limanından Ankaraya yola salındı.

“Türkiyə-Azərbaycan Gənclik Mübadiləsi” proqramına müvafiq olaraq, Xəzər Universitetinin bir qrup tələbəsi 2022-ci il yanvarın 23-27-də Ankara, Kırşehir, Nevşehir və Kapadokyada səfərdə olacaqlar.