2022-ci il dekabrın 9-da Xəzər Universitetinin Psixologiya departamentinin magistr tələbələri Gülzar Quliyeva “Evlilik müddətindən asılı olaraq cütlüklər arasında şəxsiyyətlərarası konfliktlərin təzahür xüsusiyyətlərinin tədqiqi”, Səməd Eyvazov “İnformasiya stresinin adaptasiya prosesinə təsirinin psixoloji məsələləri” və Cəmilə Məhərrəmova “Pandemiya şəraitində həkimlərdə psixi dayanıqlılıq ilə psixoloji stress səviyyəsi arasındakı əlaqənin psixoloji təhlili” mövzuları ilə magistr dissertasiyalarını müdafiə etdilər.

Müdafiədə Psixologiya departamentinin koordinatoru Mələk Kərimova və departamentin müəllimləri Dr. Ləman Verdiyeva və Dr. Ceyhun Alıyev iştirak edirdilər. Qaydaya uyğun olaraq iddiaçıların çıxışlarından sonra sual-cavab aparıldı. Sonda isə qiymətləndirilmə keçirildi və müdafiə başa çatdı.