2022-ci il noyabrın 29-da Karyera İnkişaf Mərkəzi və bp Azərbaycan-ın təşkilatçılığı ilə universitetin tələbə və məzunları üçün məlumat sessiyası keçirildi. Məlumat sessiyasında bp-nin Erkən Karyera üzrə baş məsləhətçisi Xədicə İsmayılova, Karyera üzrə məsləhətçi Mehriban Şıxzamanova, bp-nin Azərbaycan, Gürcüstan və Türkiyə regionu üzrə Logistika Aviasiya Əməliyyatları rəhbəri, Xəzər Universitetinin məzunu Anar İskəndərov, Alətlər və nəzarət mühəndisliyi üzrə məzun proqramında iştirak edən tələbə Məryəm Allahverdiyeva və Mexanik mühəndisi İskəndər Əsgərov iştirak ediblər.

Xədicə İsmayılova ümumilikdə şirkət haqqında, Mehriban Şıxzamanova bp-nin təcrübə və məzun proqramı, bu proqrama müraciət qaydaları və prosesi, Anar İskəndərov təcrübə proqramına qoşulan tələbələr üçün proqramın hansı imkanlar yarada biləcəyi barədə tələbələrə məlumat verdilər. Məryəm Allahverdiyeva isə tələbələrə bu proqramlarda iştirak etməyin faydalarından danışaraq, öz təcrübəsini bölüşüb.

Tədbir sual-cavabla başa çatıb.