“Teknofest – 2023” Texnologiya və Aerokosmik Festivalında iştirak etməyi planlaşdıran tələbələrin müsabiqə haqqında ətraflı məlumatlar əldə etməsi məqsədilə 2022-ci il noyabrın 8-i və 15-də infosessiyalar keçirilmişdir. İnfosessiyalar “CanSat America – 2016”-da komanda kapitanı, “CanSat Azerbaijan – 2018-2021” və “Teknofest Azərbaycan – 2022” müsabiqələri çərçivəsində CanSat və Sərbəst PUA kateqoriyaları üzrə layihə rəhbəri olmuş İlkin Nağıyev tərəfindən aparılmışdır.
İnfosessiyalar zamanı müsabiqə sənədlərində diqqət yetirilməli məqamlar, müsabiqə mərhələləri və tələb olunan sənədlərə yanaşma, komanda strukturunun təyin olunması metodları, komandanın idarə olunması, yarışma müddətində proseslərə nəzarət və s. mövzular haqqında geniş məlumat tələbələrin nəzərinə çatdırıldı və onların sualları cavablandırıldı.