2022-ci il oktyabrın 23-28-də Coğrafiya və ətraf mühit departamentinin müdiri Rövşən Abbasov Böyük Britaniyanın Kembric Universitetində keçirilən “Milli Ekosistem Qiymətləndirmələri” qlobal seminarında iştirak etmişdir. Seminar Birləşmiş Millətlər Təşkilatının Ətraf Mühit Proqramı Dünya Konservasiya Monitorinq Mərkəzi (UNEP WCMC) tərəfindən təşkil olunmuşdur.

Tədbirdə dünyanın 10 ölkəsindən 50-ə qədər mütəxəssis iştirak etmişdir. Rövşən Abbasov “Azərbaycan şirin su ekosistemlərinin qiymətləndirilməsi” mövzusunda öz təcrübəsini paylaşmışdır.

Qeyd edək ki, Xəzər Universitetinin əməkdaşı Rövşən Abbasov Milli Ekosistem Qiymətləndirmələri qrupundan Koordinator aparıcı müəllifdir.