2022-ci il oktyabrın 25-26-da Xəzər Universiteti Karyera Mərkəzinin təşkil etdiyi Karyera Ayı çərçivəsində iki günlük karyera sərgisi keçirildi.

Universitetin Mərmər zalında keçirilən sərgidə tələbələr  Amerika Səfirliyi, “Azərbaycan Mərkəzi Bankı”, “SOCAR”, “DOST” agentliyi, “Azərbaycan Beynəlxalq Bankı”, “Norm”, “Azercell”, “Kapital Bank”, “ExpressBank”, “Azərkosmos”, “JW Marriott”, “YARAT”, “KPMG”, “BakerTilly”, “EY”, “Barattson”, “Ekvita”, “FireWorks”, “Deloitte”, “AIESEC” və digər müxtəlif nüfuzlu şirkətlər və beynəlxalq qurumlardan olan nümayəndələrlə tanış olmaq imkanı tapdılar. Şirkətlər, həmçinin, öz məhsullarından tələbələrə hədiyyə etdilər.

Bundan əlavə, sərgidə keçirilən müxtəlif maraqlı viktorinaların qalibləri də Karyera Mərkəzindən hədiyyələr qazandılar.