Xəzər Universiteti Həyat elmləri departamentinin dosenti Cavid Ocaqi və Baytarlıq təbabəti üzrə koordinatoru b.ü.f.d. Ayaz Məmmədov, Sənət və texnologiya yüksək təhsil fakültəsinin magistratura üzrə dekan müavini dosent Məhəmməd Eldarov 2022-ci il sentyabrın 1-4-də layihə çərçivəsində Gəncə şəhəri, Neftçala, Bərdə və Ağcabədi rayonlarında ezamiyyətdə olmuşlar.
Səfərin əsas məqsədi həmin regionlarda heyvandarlıq sahəsi üzrə fəaliyyət göstərən müasir fermerlər arasında heyvanların rifahı haqqında təsəvvürləri öyrənmək üçün sorğunun aparılması olmuşdur.
Ezamiyyə müddətində qeyd olunan ərazilərdə müasir texnologiyalarla idarə olunan balıqçılıq, quşçuluq, heyvandarlıq təsərrüfatlarının rəhbərlərindən heyvanların rifahı və mövcud problemlər müzakirə olunmuşdur.
Qeyd edək ki, Xəzər Universiteti İsveçin “Baltik dənizi regionunda heyvanların rifahı” adlı layihəsində iştirak edir.