2022-ci il sentyabrın 1-də Xəzər Universitetinin Beynəlxalq əlaqələr ofisinin təşkilatçılığı ilə Erasmus+ Mübadilə Proqramının iştirakçısı İrem Öztürk`ün təcrübə proqramının yekunlaşması ilə bağlı görüş keçirildi.

Görüşdə Beynəlxalq əlaqələr üzrə prorektor Vlad Vernygora, İctimai əlaqələr və media üzrə direktor Əlövsət Əmirbəyli, Humanitar, təhsil və sosial elmlər fakültəsinin dekanı Elza Səmədova, İnkişaf Mərkəzinin rəhbəri Raziyə İsayeva, Siyasi elmlər və fəlsəfə departamentinin müdiri Fərid Quliyev, həmçinin əməkdaşlar iştirak edirdilər.

İrem Öztürk Xəzər Universitetində 2 ay müddətində əldə etdiyi təcrübə haqqında kiçik video-təqdimat nümayiş etdirdi.

Qeyd edək ki, İrem Öztürk Türkiyənin Manisa şəhərində yerləşən Manisa Celal Bayar Universitetinin 4-cü kurs tələbəsidir.

Görüşün sonunda İrem Öztürk Beynəlxalq əlaqələr ofisi tərəfindən sertifikat və hədiyyə ilə təltif olundu.